استغربت لما شوفت ان القوانين والقضايا المهمه تم مناقشتها فى مجلس الشعب وفى اخر دورته البرلمانيه اللى خلصت من كام يوم
وتم مناقشه قوانين مهمه جدا زى قانون المرور الجديد والبهدله اللى حصلت فيه وان العربيات اللى الموديل بتاعها من سنه 88 وانت نازل هيتمنع ترخيصها
وقانون المحاماه وبرضه فى الانجاز
وقانون الضرايب العقاريه اللى بيزود اكتر واكتر كره الناس للحكومه
واخيرا قانون الاحتكار اللى شهد مفاجأه لاول مره تحصل وهوه ان المجلس ميوافقش على مقترحات الحكومه ممثله فى وزير الصناعه والتجاره رشيد محمد رشيد وده طبعا بتوجهات من النائب احمد عز امين التنظيم وعضو لجنه السياسات بالحزب الوطنى
احمد عز بقى يعمل كل اللى هوه عايزه بدون رقيب وبدون ماحد يقوله غلط
الحسنه الوحيده فى مجلس الشعب المره دى هيا الموافقه على نقل مكان مصنع اجريم من دمياط وده طبعا لما الشعب قال كلمته ورفض بكل الاشكال وجود المصنع ده اون كان المجلس كان مضطر انو ياخد برأى الناس لان لو مكنش حصل كده كان هيبقى فيه بلاوى جايه
الاشتراك في:
تعليقات الرسالة (Atom)
ليست هناك تعليقات:
إرسال تعليق